कलेजमा अध्ययन गर्ने विद्यार्थीहरुमध्ये फेसबुक प्रयोग गर्ने विद्यार्थीहरुको कुल औसत अंक (जीपीए) फेसबुकको सदस्य नभएका वा प्रयोग नगर्ने विद्यार्थीहरुको तुलनामा निकै कम हुने अध्ययनले देखाएको छ ।
ओहियो स्टेट युनिभर्सिटीका पीएचडीका विद्यार्थी अरेन कारपिन्स्की र उनका सहयोगी ओहियो डोमिनिकन युनिभर्सिटीका एडम डबरस्टेइनले गरेको एक अध्ययनमा फेसबुकको नियमित प्रयोगकर्ताको औसत अंक यसको सदस्य नभएका विद्यार्थीहरुको तुलनामा निकै कम आउने गरेको देखिएको छ । फेसबुकको हालसम्म विश्वभर २०० मिलियन अर्थात लगभग २० करोड सदस्यहरु छन् । “वास्तवमा अधिकांश विद्यार्थीहरु जो दैनिक फेसबुक प्रयोग गर्छन् उनीहरुले आफ्नो पढाइ र समयको एक ठूलो हिस्साको बर्वाद गर्छन् ।” अनुसन्धानकर्ताहरुले भनेका छन् ।
अनुसन्धानकर्ता कारपिन्स्कीले भनेका छन्, “हाम्रो अध्ययनले के देखाउँछ भने फेसबुक प्रयोग गर्ने विद्यार्थीले आफ्नो कुल समयको बढी समय फेसबुकमा र कम समयमात्र पढाइमा खर्चने गर्छ । फेसबुक प्रयोग गर्नु हरेक वर्ग र पुस्ताको एउटा बानी बनिसकेको छ, तर मलाई लाग्छ फेसबुक एउटा गजवको सत्य तथ्य हो ।”
यो अध्ययनको रिपोर्ट अमेरिकन एजुकेशन रिसर्च एशोसियसनमा २००९ अप्रिल १६ मा बुझाइएको थियो । उक्त अध्ययन २१९ ग्राजुयट गरिसकेका र ग्राजुयट नगरेका विद्यार्थीहरुमा गरिएको थियो जसमा फेसबुक प्रयोग गर्नेको जीपीए नगर्नेहरुभन्दा निकै कम भएको देखिएको थियो । उक्त अध्ययनमा फेसबुक प्रयोग गर्नेको जीपीए दर ३.० देखि ३.५ मात्र देखिएको थियो भने प्रयोग नगर्नेको जीपीए ३.५ देखि ४.० देखिएको थियो । यसको मुख्य कारण फेसबुक प्रयोग गर्नेहरु साथीहरुको ठूलो सञ्जालमा आवद्ध हुने हुँदा बढी समय खर्च हुने र प्रयोग नगर्नेहरुको सञ्जाल सानो हुने हुँदा बढी समय पढाइमा लगाउन सकिने बताइएको छ ।
समाचार त खुबै राम्रो छ अनी के हो सर अव त पक्काको खोज पत्राकार हो की कसो फेरी फेरी पनी यस्तै समाचारहरु हेर्न पाइयोस् ।
ReplyDelete